Синот на легендарниот Шумахер тргнува по стапките на татко му

- Advertisement -

Советникот на тимот на Ред Бул Хелмут Марко е уверен дека 21-годишниот Мик Шумахер, син на легендарниот германскиот возач Михаел Шумахер, веќе од следната година ќе тргне по стапките на својот славен татко и ќе дебитира во Формула 1 зад воланот на Алфа Ромео.

„Знаеме кои возачи на пазарот и какви разговори се водат. Од тоа заклучив дека Мик Шумахер ќе вози за Алфа Ромео заедно со Кими Раиконен. Мислам дека тоа е одлична комбинација“, изјави Марко.

Синот на Михаел Шумахер своите вештини во управување на болид во Формула 1 требаше да ги покаже уште минатата недела во Нурбургринг, кога беше предвидено да го вози првиот тренинг за Алфа Ромео, но тоа не се случи, откако тренингот беше откажан поради лоши временски услови.