Стопанска комора на северо западна Македонија од идната влада ја побара функцијата заменик-премиер од редот на бизнисот и за тоа го предлага Неби Хоџа.
Како што беше соопштеное на прес-конференција СКСЗМ од идната влада ја побара функцијата заменик-премиер од редовите на бизнисот, што е дискутирано на средбите со лидерот на СДСМ Зоран Заев и на кои е потенцирано активното учество во извршната власт и целосно усогласување на интересите на бизнисот со владините политики.
Од Комората потенцираат дека бизнисот треба да има пристап во подготовката на законите пред тие да ги поминат филтрите на владата, а не откако ќе влезат во собраниска процедура.
Предлогот за кандидатот за вицепремиерот за економски прашања да биде Неби Хоџа е усвоен со мнозинство гласови на вчерашниот состанок на Управниот Одбор на СКСЗМ.
– Бараме зголемено учество на бизнис заедницата во подготовката на законите и усогласување на законските измени со барањата и потребите на бизнисот и активно учество во контролирање на владините економски политики, истакнуваат од Комората.
