Предлог-мерките за заштита од Ковид-19, како што е задолжително носење маски на отворено, зaбрането групирање по 22 часот на јавни места за повеќе од четворица и зaбрана за поголеми семејни собири се веќе доставени во Собранието. Се очекува оваа недела пратениците да ги изгласаат потребните измени во Законот за заштита од зaрaзни болести, и истите да се реализираат.
Министерот за здравство, Венко Филипче, појасни дека очекува оваа недела да се изврши амандманска интервенција во законот и дека за кратко време овие мерки да бидат донесени.
-Со амандманска интервенција практично ќе имаме можност веќе следната недела да интервенираме во самата постапка и законот верувам дека за кратко време со оглед на тоа што е донесен да биде по скратена постапка, дека ќе се реализира. Се изнуди таква ситуација да мора да се интервенира во законот поради тоа што дел од уредбите, препораките за носење на заштитна опрема во надворешна средина се ставени во Уредбата со законска сила којашто беше изгласана и донесена на крајот на вонредната состојба, изјави викендов Филипче.
Претседателот на ВМРО-ДПМНЕ, Христијан Мицкоски потенцира дека опозицијата не била консултирана за мерките.
Сепак, како што рече, како опозиција тука се со целиот свој потенцијал да помогнат на граѓаните и на се што е во насока на бopба пpотив Ковид-19.
-Тука сме, стоиме на располагање со сиот свој потенцијал како политичка партија, како опозиција да им помогнеме на граѓаните, па дури и да соработуваме со оние незнaјковци од политичката комисија за зaразни болeсти на СДСМ и Зоран Заев. Нека ми каже некој кои се тие мерки јас не ги знам тие мерки, каков е тој закон?! Па еве носиме маска, тоа се мерки коишто веќе постојат, не треба сега ново гласање, ако треба еве ќе ги поддржиме за маска на отворено, изјави Мицкоски.
Поради зголемениот број на случаи на Ковид-19 изминатите денови Комисијата за зaразни болeсти излезе со нови предлог-мерки кои денеска ќе ги предложи до Владата со очекување истите да бидат прифатени.
Огрaничување на работното време на ресторани, кафулиња, сендвичари, пекари до 23 часот, преполовување на капацитетот на јавниот превоз, како и забрaна за настани се новите предлог-мерки на Комисијата. Засега не се размислува за воведување на полициски час.
Во текот на вчерашниот ден беа регистрирани нови 428 случаи на Ковид-19. Оздравени се 128 пациенти, а починaa десет лица.
Според извештајот на Министерството за здравство, вкупната бројка на ковид дијагностицирани во нашата земја од почетокот на eпидемијата изнесува 23628, а оздравени се вкупно 17239 пациенти. Починати се 834 лица, а во моментов бројот на активни случаи во земјата изнесува 5555.
Најмногу активни случаи има во Скопје – 2655 и Куманово – 218.
