Дарко Костовски од ВМРО-ДПМНЕ сподели статус во кои вели дека Советничката група на ВМРО-ДПМНЕ во Бутел своите паушали ќе ги донираат во борбата против коронавирусот.
Почитувани граѓани на Општина Бутел,
Почитувани сограѓани,
По денешниот пример на советничката група на ВМРО-ДПМНЕ од Штип, вечерва на телефонска конференција и советничката група на ВМРО-ДПМНЕ во Бутел постигна договор да се откаже од својот советнички паушал тоест итиот да го донира во борбата против Корона вирусот со купување на голема количина маски и ракавици кои ќе бидат поделени таму каде што е најпотребно, и купување на основни намирници кај социјално загрозени семејства од нашата Општина Бутел.
Ги повикуваме сите локални функционери од сите политички партии да го сторат истото и да се откажат од своите (бенефиции, додатоци на плати, било какви бонуси тоест дополнителни финансиски средства) за да дадат личен придонес во ова тешко време за нашиот народ.
Оваа битка не познава вера ниту нација, не познава класни разлики, не познава ниту политички опции ниту различни ставови, оваа битка бара сплотеност како никогаш до сега.
Политичарите добиваат мандат од народот, затоа треба секогаш кога е потребно да бидат со народот.
Ќе победиме само ако сме сите заедно !, стои во неговиот пост на Фејсбук.
