На еден месец пред референдумот, Министерството за внатрешни работи подготвува акционен план за обезбедување мирен процес на кампањата и за денот на гласањето. Но, како граѓаните да ја вратат довербата во институцијата за која разбраа дека во минатото била партиска алатка.
Дали МВР се полни со партиски кадри ? Кој гарантира дека функционерите учат од грешките на нивните претходници? Дали граѓаните треба да стравуваат од нови прислушувања и повреда на приватноста? Интервју со министерот за внатрешни работи Оливер Спасовски , пренесува Алсат.
Министерот за надворешни работи, Оливер Спасовски во своето интервју за телевизија Алсат, вели дека МВР гарантира мирен изборен процес во кој што граѓаните ќе можат да одлучуваат сами на референдумот.
-Наша улога во секој изборен процес или во одржувањето на референдумот започнува од моментот на распишувањето на изборниот процес односно референдумот преку соработката која ја имаме со ДИК. Секако дека се подготвува министерството врз основа на планови да има мир, безбедност и стабилност во Република Македонија. Да се гарантира мирен изборен процес кој што ќе овозможи граѓаните да одлучуваат сами на референдумот, вели Спасовски.
