Министерот Оливер Спасовски одговори на новинарско прашање за министрите на ДУИ, и за прославата на роденденот на лидерот Али Ахмети во Министерството за политички систем. На фотографијата се гледаше дека ниту еден од нив не носи маска. Иако прашањето се однесуваше на заменик министерот Буши, сепак, Спасовски одговори.
„Јас ќе одговорам. Тој е казнет и затоа сега носи маска. Да не беше казнет, немаше да носи маска. И казнети се сите тие кои беа на таа маса. Без разлика дали станува збор за функционери или други лица. Тоа покажува дека прописите и законите важат за сите“, рече Спасовски и додаде:
„Обвинителството треба да одлучи дали има кривично дело. Од аспект на прекршочна одговорност, сите добија казни. Се најави и вонреден инспекциски надзор. Мора сите да се однесуваме согласно прописите на Комисијиата за заразни болести“, рече Спасовски.
