Три недели откако беше промовирана кампањата „Срби за Трамп 2020“ во САД, Американците со српско потекло кои го поддржуваат сегашниот претседател станаа официјален дел од коалицијата во кампањата за реизбор на претседателот Доналд Трамп.
Според изјавата на организацијата „Српски Американци за Трамп 2020“, кампањата „Срби за Трамп 2020“ ја започнаа Олга Раваси и Памела Колинс со цел да се промовира граѓанскиот ангажман на српската дијаспора во САД, објави српското радио Чикаго.
„Ние сме многу горди на овој момент и конечно знаеме дека претседателот Трамп и неговиот тим ги слушнаа нашите гласови, а нашата напорна работа и посветеност се исплати“, рекоа Раваси и Колинс.
Тие додадоа дека членовите на кампањата биле мотивирани повеќе од кога било за да се овозможи реизбор на „веројатно најдобриот претседател во историјата на Америка“, бидејќи, како што потенцирале, нацијата се соочува со егзистенцијална криза.
Како што додадоа, во ова одлично време на нестабилност, потребно е силно водство на претседателот Трамп, доверба во тешките одлуки што ги носи, како и на законот и редот.
Во изјавата се потсетува дека Американците со српско потекло никогаш порано не поддржале организирано кандидат, особено не претседателски кандидат.
Покрај тоа, како што се потенцира, ова е прв пат кога тие се официјално признаени како заедница во претседателската кампања.
Раваси рече дека членовите на заедницата, во понатамошна координација со официјалната кампања, планираат да продолжат со промовирање на иницијативата и да формираат силни тимови во секоја клучна држава.
„Целта е да се мобилизираат околу еден милион Срби-Американци и Американци со целосно или делумно српско потекло низ САД за да се приклучат на победничкиот тим, и да организираат напори, и да помогнат во реизборот на претседателот Доналд Трамп“, рече Олга Раваси.
