Судскиот совет го разреши Јово Вангеловски. Тој веќе не е Претседател на Врховниот суд ниту пак е судија. Освен него разрешена е и неговата колешка Рахилка Стојковска. Според Советот, тие постапувале не стручно и не совесно. Двајцата пред две години беа дел од Кривичен совет кој го укина притворот на бизнисменот Сеад Кочан по барање за заштита на законитоста поднесено од редовното обвинителство за случајот на СЈО „Труст“. Претседателот на Судскиот совет беше воздржан по однос на разрешувањата.
„Јас само можам општо да ви кажам дека еден Претседател е разрешен од функцијата и двајца судии се разрешени од функцијата судии“, рече Киро Здравев, Претседател на Судски совет.
Разрешените Вангеловски и Стојковска имаат право на жалба до Врховниот суд.
