Таравари се повлекува од фунцијата Генерален секретар во Алијанса

- Advertisement -

Градоначалникот на Гостивар Арбен Таравари најави повлекување од функцијата генерален секретар на опозициската Алијанса за Албанците предводена од Зијадин Села.

Притоа, Таравари посочи дека на партијата и е потребно кадровско освежување со помлади лица, а еден од нив треба да го наследи и него на позицијата прв партиски оперативец.

Во изјава за Фокус, тој појаснува дека се повлекува од партиската функција, но не и од партијата, бидејќи ќе продолжи да делува како член на Алијанса, дури, како што вели, и поактивен отколку досега.

–Мојот мандат за генерален секретар на Алијансата завршува на 25-ти декември, кога и ќе одредиме датум за следниот Конгрес на партијата. Со мандат до Конгресот останува само претседателот на партијата – вели Таравари.