Како поранешна манекенка и една од најинтригантните први дами кои било кога зачекориле во Белата куќа, животот на Меланиа, вклучувајќи ја и нејзината диета, предизвикуваат интерес кај многумина.
На основа на претходните интервјуа, односно ретки пригоди кога зборувала за себе и својот начин на живот, ги издвоивме нејзините основни правила на исхрана.
Интересно е дека првата дама на Америка за појадок секогаш јаде исто според што се гледа дека Меланиа е многу дисциплинирана жена.
Секој ден го започнува со овој продукт
И покрај фактот дека сега е позафатена од било кога, оваа 47. годишна дама секогаш одвојува време за појадок кој мора да биде здрав. Пред неколку години Меланиа за „GQ magazin” открила дека денот го започнува со каша од овес кој е позната по високиот процент на влакна и смути напиток направен од неколку состојки полни со витамини.
Секој ден јаде одреден број овошки
Се прашувате како убавата Словенка ја одржува својата вита линија, а кожата сјајна? Таа во својата исхрана внесува овошје богато со антиоксиданси. Во едно интервју открила дека нејзина дневна цел е да изеде најмалку седум овошки.
Ништо не си забранува
Поради фантастичниот физички изглед многумина мислат дека Меланиа воопшто не внесува шеќер. Но, таа го прави спротивното.
„Немам вообичаен колач кој секогаш го јадам. Ако ми се јаде слатко би избрала овошје или малечко чоколадо, затоа што мислам дека тоа му е потребно на моето тело“ изјавила госпоѓа Трамп.
Првата дама дури и’ признала дека понекогаш сака да јаде сладолед, се’ додека е тој „во баланс со здравата исхрана“.
Не држи лоши и брзи диети туку здравата исхрана е дел од нејзиниот начин на живот.
На Меланиа и е многу важно секој ден да внесува доста вода, за да остане хидрирана,а никогаш не конзумира мрсна или калорична храна. Откако го родила синот Барон, и се ослободила од килограмите кои ги добила во бременоста, признала дека здравата храна и пилатес, два-три пати неделно,и помогнале да се врати во старата форма.
Меланиа има омилено јадење
„Омилено јадење ми е пилешко во пармезан, а пијалок диетална кока кола од класично стаклено шише“ рекла своевремено.
