Генералниот секретар на Алјанса за Албанците, Арбен Таравари упати остри критики кон актуелни политики на Владата во врска со справување со Ковид-19.
„Тотална неспособност. Ние не донесовме ниту една вакцина. Србија ни донесе неколку илјади вакцини. Ние сами донесовме многу малку вакцини. Тоа е страшно. Бројките секој ден растат. Еве ќе ви дадам неколку примери, да не зборувам за сериозни земји во Европа, еве видете Африка, видете во Зимбабве, во Гана и други земји имаат повеќе вакцинирани него Македонија“, рече Таравари во „Click Plus“ на ТВ21.
Тој додава дека моменталната состојба е страшна и алармантна. Бројот на починати е висок, а Македонија е во ТОП 10 земји во светот по починати од Ковид.
Вкупната бројка на КОВИД-дијагностицирани лица во нашата земја од почетокот на епидемијата изнесува 135.167, бројката на оздравени пациенти е 110.388, на починати е 3.977, а бројот на активни случаи изнесува 20.802.