- Advertisement -
- Advertisement -
Едно бебе почина од последиците на инфекцијата со корона вирус на Детската клиника Тиршова во Белград, пренесе денеска Б92.
„За жал, првото бебе кое беше хоспитализирано кај нас со само 10 дена старост почина минатата недела по речиси шест недели борба за живот“, изјавила д-р Снежана Рсовац, од Детската клиника.
Таа додава дека на Клиниката се сместени уште две бебиња и дека нивната моментална состојба е добра.
„Едномесечното бебе е на интензивна нега“, вели таа, а другото бебе полека се опоравува иако долго време беше на респиратор.
Сите други деца на Детската клиника Тиршова, како што посочува д-р. Рсовац се во добра состојба, а намален е и бројот на приеми на заразени деца.
