Претседателот на САД, Доналд Трампги обвини Русија и Кина дека “играат на девалвација на валутата,” потег кој тој го карактеризира како неприфатлив од страна на Москва и Пекинг, особено поради тоа што САД и понатаму продолжува со политиката на зголемување на каматните стапки.
Тој обвинувањето го напиша на својот Твитер профил каде напиша: “Неприфатливо!”.
Министерството за финансии на Русија во февруари 2017 година ја започна операцијата купување на валута на домашниот пазар, со цел да се намали зависноста на рубљата од цената на нафтата, но по неодамнешните санкции на САД рубљата повторно ја изгуби вредноста.
Паралелно со тоа, Кина уште во 2015 година, нагло ја намали вредноста на јуанот во однос на доларот, што ја потресе светската берза. Сепак, иако Централната банка на Кина потоа го стабилизираше јуанот, следеа уште три бранови на девалвација на кинеската валута, која ги натера експерти да мислат дека Пекинг намерно го девалвира јуанот за да го стимулира извозот.
