ТУНТЕ УШТЕ НА ТЕТОВСКА ПАТАРИНА, ОНИ ДОНЕЛЕ ЗАКОНИ: Апасиев со коментар за носењето на закони во Македонското Собрание

- Advertisement -

За само неколку часа денес, пратениците од владеачкото мнозинство донесоа нешто повеќе од 40 нови закони без присуство на опозицијата или било каква расправа по истите.

Ваквата ситуација на социјалните мрежи ја искоментира професорот и член на президумот на „Левица“ Димитар Апасиев, кој направи паралела помеѓу носењето закони во Римската Империја и денешна Македонија.

„Римјаните, во времето на Републиката, биле поголеми од денешната ЕУ и се простирале од Ирска до Персиски Залив. И они, друже, донеле вкупно 800 закони за 500 години (значи, у просек, нема ни по два закона годишно)!

А нашево брливо Собрание два закона носи додека „координаторо“ Тунте чека да му дадат фискална на тетовска патарина.“ – пишува Апасиев.