Турската војска и сириските бунтовници ја превземаа контролата над регионот Африн на северозападот на Сирија, соопшти денес извор во турската војска
Пред една недела турските сили и сириските борци влегле во Африн, главниот град на истоимениот округ, откаде подоцна цели осум седмици ја потиснуваа курдската милиција, а сега се освоени и преостанатите села.
„Во регионот на Африн потполно е остварена контрола и се продолжува операцијата за пребарување за да може локалното население безбедно да се врати во своите домови“, наведува неименуван извор за Ројтерс.
Сличен извештај објави и турската државна агенција Анадолија. Во Африн луѓето стојат во редови додека чекаат топла храна која ја дистрибуира турската Црвена полумесечина. Турските војници ја чуваат безбедноста, а вооружени возила патролираат по улиците.
