Утре итна средба со министерот за земјоделство, а не во петок, бараат тутунарите кои денеска, по отворањето на пунктовите, повторно констатирале, како што велат, нереална проценка на родот и непочитување на договореното од страна на откупувачите.
Ако средбата не се реализира, во среда, најавија, ќе има протести. Со тоа создадоа уште поголем револт и гнев кај тутунарите. Тутунарите не го даваат родот и ќе одат до крај. Затоа можни се протести уште во среда низ цела Македонија. Поддршка за тутунарите на протестите е најавена и од оризопроизводителите како и од лозарите.
Од 23 000 тони тутун, досега се откупени само 1,6 насто. Во земјава од тутунот живеат околу 30 000 семејства. Инаку, утре 15 декември е крајниот законскиот рок сите откупувачи да ги отворат пунктовите.
