Министерот за здравство Венко Филипче на прес-конференција ги соопшти најновите податоци во врска со епидемијата на Kовид-19 во Македонија, при што информира дека голем број од заболените биле заболени на семејни или на други собири.
– Позитивно е што и покрај оној иницијален отпор кој што го имаше на некои места сега има навистина подобра соработка со граѓаните – изјави Филипче.
Министерот вели дека голем број од новодијагностицираните се со лесна клиничка слика или се асимптоматски. Од вкупниот број на хоспитализирани во овој момент осум пациенти се на механичка вентилација.
Филипче додаде дека од страна на Комисијата за заразни болести до Владата е доставен предлог, за што во текот на утрешната седница ќе се дискутира за евентуално ново воведување полициски час.
