Широките, обично затнати со сообраќај улици во центарот на градот се празни. Некогаш раздвижените пазари се во молк, а продавниците затворени. Повремено поминување на автомобил, велосипедист или пешак нуди само минливи потсетници дека овие метрополи остануваат населени.
Ова не е враќање на строгите карантини на почетокот на пандемијата. Ова се сцените од големите градови во Мјанмар, Јангон и Мандалај, како и некои помали градови, додека милиони протестираа против воената влада на земјата.
Тишина се спушти врз Јангон, густо населен град со 5,2 милиони жители во петокот, додека неговите граѓани учествуваа во „тивок штрајк“ што го доведе главниот град на земјата во застој.
„Тишината е најгласниот крик. Ние ги сакаме нашите права назад. Сакаме револуција. Изразуваме тага за нашите загинати херои“, изјави лидерот на протестот Хин Сандар за медиумите.
Се појавија слики и видеа од празни автопати и слободни пазарџиски тезги додека широчината на незадоволството што го чувствуваат милиони во Мјанмар беше илустрирано со речиси целосно отсуство на луѓе и економска активност на неговите улици. Слични сцени беа пронајдени во Мандалеј, вториот по големина град во Мјанмар со 1,7 милиони жители, додека демонстрантите имаа за цел да покажат недостаток на контрола што ја спроведува хунтата врз нивниот секојдневен живот.
„Ние го поседуваме нашиот град. Да останеме активни или тивки е наш избор. Апсолутно никогаш нема да им се дозволи да владеат“, пишува во една парола поврзана со протестите.
Штрајкот беше организиран од протестни групи против хунтата, формирани по државниот удар на 1 февруари со кој беше соборена демократски избраната влада на Аунг Сан Су Чи. Движењето за граѓанска непослушност (ЦДМ) процвета на национално ниво од февруари, користејќи чинови на пркос, вклучително удирање на тенџериња и тави низ прозорците, бојкотирање на воени бизниси и одбивање да се платат сметки.
„Видео од Јангон и Мандалеј кои се претвораат во градови-духови со масовен #SilentStrike. Луѓето покажуваат моќ и дека ги поседуваат градовите“, беше објавен во петокот официјалниот профил на ЦДМ на Твитер, со придружно видео кое прикажува морничаво празни улици.
