Денеска во Кривичниот суд се одржува ново рочиште за предметот „Меѓународен сојуз“. Судијката Софче Ефремова, на последното рочиште за овој предмет најави дека за денеска ќе треба да сведочат Јордан Камчев и Агапи Дика.
Тоа што во моментов го привлекува вниманието на медиумите е стилот во кој Бојан Јовановски попознат како Боки 13 се појави во судот.
Во предметот покрај Боки 13 обвинети се и неговиот татко Миле Јовановски, но и екс потпрестедателката на СДСМ, Фросина Ременски за перење пари и рекетирање на бизнисмени.
Она што ја скандализираше македонската јавност изминатава недела е притворот за Орце Камчев кој му беше определен само 3 дена пред неговото сведочење во предметот откако судот пресуди во негова корист за случајот „Рекет“ каде за ослободителна пресуда и излегување од притвор од Камчев биле барани милиони евра.
Камчев доби притвор врз основа на една службена белешка на АНБ (бившо УБК), белешка која никој не ја видел и без други дополнителни докази, како во времето на Берија во СССР. На белешката според информациите на адвокатот на Камчев, Тони Менкиноски се потпишал сопругот на обвинетата Ременеска, Јовче Ременски кој е висок функционер во АНБ.
