Аферата со издавањето на македонски пасоши добива се поголеми размери. Според изјавите на министерот за внатрешни работи, такви пасоши добиле 215 лица, од кои 214 странски државјани и еден македонски државјанин. Странските државјани се со дебело криминално минато барани со меѓународни потерници. Пасошите биле со идентитети на лица од Македонија кои сѐ уште не поседувале биометриски патни исправи.
Во јавноста излегоа информации дека дел од тие лица, поконкретно Седат Пекер, се видени во јавноста со македонски функционери. Премиерот Заев ја потврди веста, додавајќи дека дека се работи за негови партнери и дека не гледа причина зошто не би се случиле ти е средби.
Партнерот, кој имал средби со Седат Пекер, чие злосторничко здружение денес беше разбиено во Турција, е претседателот на турската демократска партија, кој е и актуелен пратеник во собранието на РМ и коалиционен партнер на СДСМ.
