Родителите на децата кои треба од 9-ти септември треба одат во градинка, требало да потпишат ако сакаат нивното дете да биде примено во градинката на споменатиот датум.
Во документот, во една од точките со кои треба да се согласат родителите, стои дека градинката не може да даде гаранција дека нивните децата нема да заболат од КОВИД-19.
Родителите со право прашуваат дали властите навистина обезбедија услови за нивните деца безбедно да почнат да одат во градинка и ако се обезбедени таквите услови, која е потребата од ваква изјава која родителите се принудени да ја потпишат бидејќи нема кој да им ги чува децата, а тие треба да одат на работа.
Министерот за здравство, Венко Филипче изјави дека градинките ќе се отвораат без притоа да се направат тестирања за коронавирус на вработените. Што ако некој од вработените е асимптоматски носител на вирусот?
Тој може да ги зарази и вработените и децата. Затоа, и медицинските работници велат дека само со скрининг на вработените би се елеминирала опасноста од заразување и ширење на вирусот. Ова пак ги револтра родителите бидејќи тие при запишување на децата мора да проложат потврда од педијатар дека детето е здраво.
-Зошто се малтретираат родителите да бараат потврди од работа дека мора да одат, им се бараат потврди дека децата им се здрави, а надлежните направија во мај еден скриниг на вработените во градинките непотребно. Сега кога се стартува со работа не се бара доказ дека вработениот е здрав, но се бара за децата. И дополнително се бара изјава да потпишат родителите дека градинките не гарантираат за здравјето на децата, односно дека нема да се заразат од КОВИД – 19, вели еден родител.
