- Advertisement -
- Advertisement -
Утрово на социјалните мрежи осамнаа фотографии од искршените јапонски цреши кои беа поставени на улицата „Максим Горки“. Вакви и слични вандализми кои освен штета, не придонесуваат а ништо друго, не смееме да си дозволиме.
Град Скопје изјави дека ќе го замени искршеното дрво, а во исто време апелираше граѓаните да го чуваат градот, а доколку забележат вакви инциденти, да не се воздржуваат и да пријават до надлежните институции, со цел да се намалат или спречат ваквите немили настани кои оставаат лоша слика за градот и неговите граѓани.
„Грижата за општото добро е заедничка грижа и сите заедно мора да придонесеме за заштита и подобрување на животната околина во главниот град“, велат од Град Скопје.
