Љубомир Цуцуловски на својот фејсбук профил ја коментираше кампањата за вакцинирање против ковид-19, која се сведува на „Биди одговорен! Вакцинирај се! Заштити ги другите!“, прашувајќи зошто другите не се вакцинираат за да се заштитат себе си?
„ДЕМАГОГИЈА. Сите слогани во борбата против Ковидот-19 можат да се сведат на следните три директиви: „Биди одговорен! Вакцинирај се! Заштити ги другите!“ И покрај сите напори, не можам да разберам зошто морам да се вакцинирам јас, наместо другите. И зошто другите не се вакцинираат за да се заштитат себе си? Според тоа, многу е едноставно. Меѓутоа, зошто да биде едноставно, кога може да биде комплицирано и во конфронтација со другите? Тогаш, кога човек е во конфронтација со другите, помалку размислува и во секого гледа загрозување за својот опстанок“, пишува тој.
