КОЈ ПОЛИТИЗИРА? Мила Царовска треба да разбере дека не е доволно нешто само да тврди – дека, на пример, ревформите што ги нуди водат кон вистински напредок – туку тоа што го тврди треба и да го потврди/поткрепи.
Односно, јавно да го аргументира во серија на континуирани јавни трибини низ Државата, на кои ќе учествуваат стручни лица со различни, дури и дијаметрално спротивставени мислења од нејзините мислења, ако се воопшто нејзини мислења.
Исто така, треба да научи дека е некоректно политички да ги етикетира своите противници, бидејќи како што луѓето од СДСМ, вклучувајќи ја и неа, имаат право на своја политика во образованието, истото право (имање на своја образовна политика) го има секоја друга партија, како и секој (нагласувам: с е к о ј!) граѓанин, или групи граѓани на Република Македонија. Тоа значи дека барањата да се учествува во обликувањето на образовната политиката не претставуваат политизирање, туку политизирање е токму нејзиното одбивање и необмислено етикетирање на сѐ што е различно од тоа што таа (Мила Царовска) сака по секоја цена да го протурка.
Играта со образованието, која упорно ја форсира, не може вечно да трае и тоа треба го знае, пишува професорот Љубомир Цуцуловски на Фејсбук.