„Еве имаме формирано образовно историска комисија која што треба да ги реши работите кои што не и се допаѓаат на Бугарија. Во ова што го има напишано господинот Георгиевски кој што нуди решенија за спорот со Бугарија, тој вели дека треба да се дадат имиња на личности и настани кои што експресно ќе бидат прифатени за да се чествуваат. Мислам дека тоа не може така да оди во историјата“,рече Тодор Чепреганов во гостување на „Стадион“ на Канал77.
Чепреганов го запраша Георгиевски зошто заедно нашите личности да ги чествуваме со Бугарија.
„Секој народ си чествува свои херои и настани. Во историјата секој народ си пишува сопствена историја. Знаете што, имам чувство дека Бугарија како и досега кога е во сојуз со големи држави настојува да го реализира сонот за Голема Бугарија. Ова е нејзина последна шанса. И тоа го работи сега преку ЕУ“, истакна Чепреганов.
Чепреганов посочи дека 30.000 убиени и 100.000 затворени Бугари е апсурдна бројка.
