Претседателот Стево Пендаровски изјави вечерва дека не е сигурен оти на следната лидерска средба може да пaдне договор за датумот за одржување на изборите. Тој шансите за договор ги сведе на 50:50.
Во интервјуто за ТВ24 Пендаровски рече дека на минатата лидерска средба не се зборувало за конкретен датум, но дека имало различни назнаки од партиските претставници. Иако, начелно, тие зборувале за гласање во текот на летото, „најмалку еден партија била за тоа извборите да се одржат на крајот на летото“, што значи во последните денови на август или почетокот на септември.
Пендаровски вели дека тоа не може во името на партиите да го одреди датумот (иако неговата улога е повеќе на медијатор), дека тие се оние што преку консезуална одлука треба да се договорат, затоа што би била незамислива ситуација за македонската иднина некој да го бојкотира изборниот циклус.
