Го намаливме бројот на загадени денови, рече скопскиот градоначалник Петре Шилегов на денешната прес-конференција.
Но, неколку часови подоцна, густа и смрдлива магла се спушти над градот и почна да ги задушува скопјани.
Како што сведочат граѓаните на социјалните мрежи, најкритично е во скопските населби Волково и Лисиче, а големо загадување и намалена видливост има и во останатите делови на главниот град.
Исто така, на веб-страницата „Мој воздух“, каде што се прикажани резултатите од сите мерни страници ширум Скопје, пишува дека денеска „воздухот е опасен за дишење“.