Кинескиот министер за одбрана Веи Фенгхе е во посета на Македонија, откако претходно ги посети Унгарија, Србија и Грција. Властите ќе се обидат да добијат повеќе информации за набавката на кинески вакцини.
Македонските власти ќе се обидат да ја искористат посетата на кинескиот министер за одбрана, генерал Веи Фенгхе на Македонија за забрзување на набавката на кинески вакцини против коронавирусот во земјата, додека високиот претставник на Пекинг се обидува да ја засили економската соработка и да ја промовира иницијативата „Појас и пат“.
Кинескиот министер за одбрана Веи Фенгхе денеска престојува во официјална посета на Македонија. Тој го посети министерството за одбрана и се сретна со министерката Радмила Шекеринска.
Премиерот Зоран Заев минатата недела ја најави посетата на кинескиот министер.
„На 30-ти доаѓа министерот за одбрана на Кина. Тоа е висок функционер на земја од 1,5 милијарди жители. Веруваме дека ќе донесе точно попрецизна информација кога ќе стигнат и кинеските вакцини“, рече Заев на 24 март при посета на фабриката Брако во Велес.
-Претседателот на Владата Зоран Заев во своето обраќање пред гостите од НР Кина нагласи дека двете земји ги исполнуваат своите обврски од Договорот за соработка во сферата на одбраната, особено во делот военото образование и обуки. Премиерот Заев посебно се задржа на економската соработка меѓу двете земји и изрази надеж дека работните тела на министерствата за надворешни работи на Република Македонија и НР Кина набргу ќе ги завршат разговорите за укинување на визите со што ќе се постигне уште еден значаен чекор за уште поголем раст на трговската соработка, како и за интензивирање на соработката во туризмот. Укинувањето на визите, рече на средбата премиерот Заев, ќе помогне да се оствари амбицијата на двете земји трговската размена идната година да ја достигне вредноста од 1 милијарда американски долари, која во 2020 година достигна до 763 милиони долари, стои во соопштението испратено од Владата.
Од Владата велат дека Министерот за одбрана на НР Кина генерал Веи Фенгхе на средбата во Владата го пренесе своето и задоволството на Владата на неговата земја за степенот на соработка на двете министерства, и особено од остварувањето на позитивните трендови во економијата кои произлегуваат од консензуалниот договор меѓу Македонија и НР Кина за унапредување на релациите меѓу стопанските субјекти на двете
Иницијативата за појас и пат, а порано попознат на англиски како One Belt One Road е глобална стратегија за развој на инфраструктурата, усвоена од кинеската влада во 2013 година да инвестира во скоро 70 земји и меѓународни организации. Се смета за централна точка на генералниот секретар на Кинеската комунистичка партија (ККК) и надворешната политика на кинескиот лидер Си Џинпинг, кој првично ја објави стратегијата како „Економски појас на патот на свилата“ за време на официјалната посета на Казахстан во септември 2013 година.
„Појас“ е кратенка за „Економскиот појас на патот на свилата“, што се однесува на предложените копнени патишта за патен и железнички транспорт преку Централна Азија без излез на море по познатата историска трговска рута кон западните региони; со оглед на тоа што „патот“ е кратенка за „Поморскиот пат на свилата во 21 век“, што се однесува на индо-пацифичките морски патишта низ Југоисточна Азија до Јужна Азија, Средниот исток и Африка. [Примери за инвестиции во инфраструктурата на иницијативата за појаси и патишта вклучуваат пристаништа, облакодери, пруги, патишта, аеродроми, брани и железнички тунели.
Иницијативата беше вметната во Уставот на Кина во 2017 година. Кинеската влада ја нарекува иницијативата „обид за зајакнување на регионалното поврзување и прифаќање на посветла иднина“. НР Кина). Некои набудувачи и скептици, главно од земји што не учествуваат, вклучително и САД, го толкуваат како план за синоцентрична меѓународна трговска мрежа. Како одговор на тоа, Соединетите Држави, Јапонија и Австралија формираа контра иницијатива, мрежата Сини точки во 2019 година.
Пред само два дена Американскиот претседател Џо Бајден жестоко ја критикуваше иницијативата и предложи да се основа иницијатива од „демократските“ земји за да се спротивстави на иницијативата за кинеската патна инфраструктура од трилиони долари, бидејќи тензиите се зголемуваат меѓу азиската сила и западните нации.
Бајден доцна во петокот изјави дека тој разговарал за предлогот во телефонски разговор со британскиот премиер Борис Џонсон, во дискусијата околу санкциите против злоупотребите насочени кон малцинството Ујгури во кинескиот северозападен регион Ксинџијанг.
„Предложив да имаме, во суштина, слична иницијатива што доаѓа од демократските држави, помагајќи им на оние заедници низ целиот свет, на кои всушност им е потребна помош”, им рече Бајден на новинарите, коментирајки го Појас и Пат.
Влијанието на Пекинг се зголеми кај некои нации во последниве години преку заеми и проекти на иницијатива, предизвикувајќи загриженост кај регионалните сили и западните нации.
Поддршка за стратешкото партнерство со Македонија и предупредување до државата да внимава на руското и кинеското влијание, испрати американскиот државен секретар Мајк Помпео при посетата на Македонија во 2019-та година.
Според првиот американски дипломат, она на што треба да се внимава во земјата се руското и кинеското влијание.
„Државата треба напред да ја водат срцата и умовите на граѓаните на С. Македонија, а не руските ботови на социјалните мрежи. (…) Ве предупредувам и од ризиците од кинеските инвестиции во чувствителни технологии и нејзината стратегија за подмитување при обезбедување зделки“, рече Помпео објаснувајќи дека тоа може да ја загрози економската слобода на земјата.
