Коментирајќи го скандалот со НАТО сертификатите кои не ги добија неколку министри од власта на СДСМ, уредникот на Инфомакс, Александар Митовски во гостувањето во емисијата „Заспиј ако можеш“ истакна дека никој од актуелните министри во Владата не може да добие безбедносен сертификат.
Според него причината за тоа е што Зоран Заев на средбата со Никола Груевски во премиерскиот кабинет истакна дека бил соработник на странските служби и прислушуваните материјали ги добил од странска служба
-Никој од оваа Влада не може да добие безбедносен сертификат. Особено не по онaa средба помеѓу Никола Груевски и Зоран Заев во премиерскиот кабине, средба во која Заев кажа дека е соработник на странска служба. Кога кажа дека бомбите ги добил од некоја странска држава. Тоа е причината што ниту еден од нив како соработник на странска служба не ги исполнува критериумите на НАТО за да добие таков безбедносен сертификат. Ниту еден министер не е подобен за тоа бидејќи сите беа дел од „Вистината за Македонија“.
