Скандал во Украина го обиколи регионот и поттикна многу дискусии за присуството на малите деца на социјалните мрежи и нивната сексуализација.
Мила Маханец има само 8 години, а е во врска со 13-годишниот Паша. Нивните фотографии и видеа на Instagram наидоа на голем револт, а веројатно најлошиот момент е што мајката на Мила го раководи нејзиниот профил и отворено ја поддржува и промовира скандалозната романса.
Многумина не штедеа зборови за објавите на кои двете малолетни деца си разменуваат нежности, а особено за стори-то на кое одговараат дека спијат заедно.
По бурните реакции, дел од фотографиите беа отстранети, но осудите пристигнуваат од сите страни.
Повеќе институции во Украина будно го следат случајот.