За можноста за употреба на руската вакцина „Спутник V“ во Австрија, канцеларот на таа земја, Себастијан Курц изјави дека е порационално да се придржува до планот на Европската унија за набавка на вакцини.
Новинар од австриската телевизија „Пулс 24“ забележал дека Унгарија може да ја користи руската вакцина „Спутник V“ и го запраша канцеларот дали Австрија размислува за таква можност.
„Тука сметаме на програмата за европски набавки. Склучивме договори за набавка со шест компании. Првиот наскоро ќе регистрира вакцини, на пример, „Фајзер“ и други. „Сметам дека е рационално да сметаме на оние добавувачи со кои веќе имаме договорни обврски“, истакна Курц.
Курц изјави дека е можно вакцинирањето против вирусот корона да започне во Австрија веќе на крајот на декември. Според него, први кои ќе ја примат вакцината ќе бидат оние на кои им е најпотребна – постари лица, персонал во домови за стари лица, како и вработени во здравството.