Преговорите за купување на фудбалскиот клуб „Вардар“ се при крај. Вардар ќе има нов газда, и тоа во името на Слободан Крстевски и неговата фирма „Blue sky investments“, дознава Спорт медиа
Како што пренесува порталот, се разговара и за превземање на долгот. Оваа компанија е „виновна“ за трансферот на Бесар Гуџуфи во Бешикташ и има големи планови за вардаровата школа да прерасне во водечка на Балканот.
Инаку нов шеф на стручниот штаб ќе биде Горан Симов, некогашниот голман на Вардар и довчерашен стратег на Силекс. Освен првичната цел, која е враќање во ПМФЛ, новото раководство на клубот има намера да се засили со повеќе квалитетни имиња.
Инаку очекуваме во текот на наредните 5-6 дена да се заврши продажбата и официјално да се објави новиот сопственик на клубот.
