Продолжуваме заедно со народот во битка за одбрана на честа и достоинството на македоската држава и македонскиот народ, велат од ВМРО-ДПМНЕ и повикуваат на нови блокади и протести.
Нема да дозволиме понижување и распродажба на државните и национални интереси, и токму затоа сите заедно сплотени, во масовен број ќе испратиме порака дека Зоран Заев и СДСМ мора да заминат час побрзо бидејќи на Македонија и донесоа само порази и неуспеси, велат од ВМРО-ДПМНЕ.
Тие ги повикуваат скопани во 15:00 часот да се прикличат на блокадите пред Владата на Република Македонија и Министерството за надворешни работи, а потоа протести ќе се оддржат и во 15 градови ширум државата, со почеток од 18:00 часот.
Време е граѓаните на Куманово, Македонска Каменица, Пробиштип, Делчево, Пехчево, Берово, Виница, Радовиш, Валандово, Дојран, Велес, Кавадарци, Прилеп, Битола и Охрид да се обединат против злото наречено Зоран Заев и СДСМ. Протест сега, за да не биде предоцна! Оставка на Заев, слобода на народот!, велат од ВМРО-ДПМНЕ.
Ова е битка за минатото, сегашноста и иднината. Продолжуваме и утре со блокада на две раскрсници во Скопје и протест во 15 градови низ Македонија, порача лидерот на партијата Христијан Мицкоски.
