Продолжи рочиштето за настаните од „27 април“. Денеска сведочеа десетина членови на ВМРО-ДПМНЕ како и претседатели на општински организации.
Сите беа едногласни во своите излгања дека немале партиски директиви да носат активисти во Скопје и оти ако некој заминал пред Собранието тоа го направил индивидуално.
-Не бевме контактирани од Спиро Ристовски и Миле Јанакиески имаше организиран превоз.Немав добиено ниту налог да организирам наши членови на протестите „За Заедничка Македонија-рече Драган Христов од ОК Делчево.
Истото го потврдија и порнашни членови на Кабинетот на Ристовски додека тој беше министер за образование.
На денешното рочиште за настаните од „27 април“ сведочеше и поранешниот заменик министер за земјоделство и министер за одбрана Зоран Коњановски. Тој како долгогодишен член на ВМРО-ДПМНЕ објасни какви биле позициите на Спиро Ристовски во периодот кога се случуваа протестите.
-Ристовски во 2016 и 2017 година немаше партиски функции и не беше член на ниту едно тело бидејќи како поранешен член на ВМРО Народна имаше политичка дамка-рече Коњановски.
На прашањето на обвинителката Вила Рускоска како тогаш Ристовски бил министер и заменик министер Е, Коњановски одговори дека во владите на ВМРО-ДПМНЕ имало и министри кои претходно биле членови на други партии па и на СДСМ.
