Најновите анализи на македонскиот прогнозер Славчо Попоски укажуваат на тоа дека до крајот на овој месец, како и во септември, територијата на Македонија ќе биде под влијание на многу топла воздушна маса со потекло од северните предели на Африка и ќе условува многу високи и значително натпросечни температури на воздухот.
Следната седмица во делови од Балканот би можеле да се мерат рекордни температури од дури 45 степени, предупредува Попоски на Фејсбук.
– Температурите повремено ќе надминуваат и 40 степени, и тоа во централните и во југоисточните предели, особено до самиот крај на овој месец. А натпросечно топло време и летни температури ќе имаме и во септември. Развојот на нестабилност ќе биде поретка и пократкотрајна појава кај нас, што значи дека ќе имаме повеќе суво време, што значи дека сушата и понатаму ќе продолжи во нашата држава, што не оди во прилог со пожарите кои ја зафатија државава во изминатиов период – прогнозира Поповски.
