Францускиот министер за внатрешни работи Џерард Дарманин итно го посети Нант каде се случи убиството. Според францурските медиуми, полицијата во овој момент не смета дека атентатот е терористички напад.
Според кажувањата на властите, католичкиот свештеник Оливие Меир (60) е убиен во Мортан-сур-Севр во западна Франција.
Осомничениот, бегалец од Руанда, по име Емануел Абајисенга е истиот човек кој претходно беше обвинет за палење на Нантската катедрала, и се предаде на полицијата и го призна делото пренесуваат францускиот медиум.
Дејли Мејл, повикувајќи се на свои извори, објави дека докази, 60-годишниот свештеник бил претепан до смрт.
Министерот за внатрешни работи Дарманин се осврна на убиството, ветувајќи целосна поддршка за ожалостените католици и посета на местото на инцидентот.
Во исто време, тој жестоко се судри со француската политичарка Марин Ле Пен, која претходно упати остри критики до министерот и владата во целина, затоа што дозволи да се случи такво злосторство.
“Во Франција, можете да бидете илегален имигрант, да ја запалите катедралата во Нант, никогаш да не бидете протерани и да повторите злосторството со убиство на свештеник. Она што се случува во нашата земја е од невидено: тоа е целосен морален банкрот на државата и [ Министер за внатрешни работи] Дарманин“, пишува Ле Пен во свој Твит.
Министерот, сепак, истакна дека осомничениот „не бил депортиран и покрај неговата наредба за депортација додека не се заврши судскиот процес“.
Во 2020 година, Абајисенга беше притворен за подметнување пожар и беше под судски надзор. Според француските власти, тој бил одбиен за азил уште во 2019 година и требало да ја напушти земјата, но тој останал во Франција. Во тоа време, тој призна дека одлуката да се запали катедралата е одмазда за одбивањето на неговото барање за азил од страна на француските власти.