Мислам дека пропорционално со годините што сте ги поминале во Македонија оди она прашањето „има ли некој нормален во држава“. За жал како што поминува времето се помалку остануваат нормални, а каков народ таква држава, а богами и власт. Погледнете ја нашата „патлиџан“ дипломатија во најдобро светло на денот кога Македонија доби уште една блокада овој пат од Бугарија за влез во Европската Унија и бугарското барање во целост да се откажеме од својот идентитет.
Очигледно некој во македонската амбасада во Европската Унија го боли главата па на Твитер од официјалниот профил на амбасадата споделува совети со твитерџиите за справување со хроничната главоболка.