Унгарскиот премиер ја плати целата страница за огласи објавувајќи оглас со наслов „За иднината на ЕУ – унгарски предлози“ во германскиот весник Билд, каде ги презентираше своите предлози за зајакнување на ЕУ. Во последната точка од предлозите на Орбан е Србија, за која унгарскиот премиер вели дека мора да стане дел од ЕУ, јави допсиникот на МИА од Белград.
Во првиот предлог, Орбан тврди дека Брисел тајно гради „супер држава“, која не е овластена од сите членки на ЕУ,пишува белградска Нова.
-НИЕ ВЕЛИМЕ НЕ НА ЕВРОПСКАТА ИМПЕРИЈА, ПОРАЧА УНГАРСКИОТ ПРЕМИЕР.
Кога станува збор за интеграциите, тоа е само средство, а не цел, смета Орбан.
-ЗГОЛЕМУВАЊЕТО НА ЕДИНСТВОТО МЕЃУ НАРОДИТЕ ВО ЕВРОПА МОРА ДА СЕ ИЗБРИШЕ ОД ОСНОВНИТЕ ДОГОВОРИ НА ЕВРОПСКАТА УНИЈА.
Одлуките во рамките на заедницата мора да ги носат избрани водечки политичари, а не невладини организации, напиша унгарскиот премиер.
Орбан предупреди на опасностите што му се закануваат на целиот свет во наредниот период.
-МАСОВНИТЕ МИГРАЦИИ И ПАНДЕМИИ СЕ ЗАКАНУВААТ – НИЕ МОРА ДА ГО ЗАШТИТИМЕ ЕВРОПСКИОТ НАРОД, ИСТАКНА УНГАРСКИОТ ПРЕМИЕР.
Тој исто така ја нагласува потребата за повторно воспоставување на европска демократија.
-ЕВРОПСКИОТ ПАРЛАМЕНТ СЕ ПОКАЖА КАКО ЌОРСОКАК. ТОЈ ЗАСТАПУВА ИСКЛУЧИВО СВОИ ИДЕОЛОШКИ И ИНСТИТУЦИОНАЛНИ ИНТЕРЕСИ. УЛОГАТА НА НАЦИОНАЛНИТЕ СОБРАНИЈА МОРА ДА СЕ ЗГОЛЕМИ, СЕ БАРА ВО ОГЛАСОТ.
Премиерот на Унгарија плати за огласот „За иднината на Европската унија“, која на 1 јули беше објавена во дневните весници на повеќе европски земји вклучувајќи го и хрватскиот „Вечерњи лист“.
