Француската полиција во петокот растера 100 лица од оргии во Париз, за кршење на епидемиолошките мерки. Полициски службеници упаднаа во магацин во предградијата на Париз откако добија дојави за собир на голем број мажи и жени на „забава“.
„Настанот го прекрши полицискиот час и имаше проблеми со заштитни маски и социјално растојание“, рече полицаецот. Тој додаде дека актерите соработувале со полицијата и дека никој не пружал отпор.
Три лица за кои се веруваше дека се организатори на блудната забава беа уапсени веднаш по претресот, а околу сто лица беа казнети за непочитување. Судиите дадоа дозвола за запленување на звук и опрема за осветлување, како и алкохол. Тие исто така препорачаа да се одржи предавање на актерите со основите на сексуалното образование поврзано со ширењето на вирусот.
Оргиите за возрасни се легални во Франција, но шансите за зараза со Ковид-19 за време на секс се огромни. Коронавирусот се пренесува со респираторни капки, па затоа бакнувањето со заразено лице е голем ризик.
Во последните денови Франција се соочуваше со нови 20.000 случаи на инфекција со коронавирусот, што го натера претседателот Макрон да размисли за трета блокада.
