Родители реагираат на социјалните мрежи за објектот „Детелинка од градинката „Росица“ – УЗ мирче Ацев. Како што може да погледнете на статусот на Фејсбук, се работи за греењето во овој објект кој што не е во функциjа веќе две недели.
Во продолжение целосниот статус:
ПИСМО ОД РОДИТЕЛИ!
Две недели нема греење за нашите дечиња во објектот „Детелинка“ од градинката „Росица“ – УЗ Мирче Ацев.
Две недели апелираме до директорката на градинката и до одговорните дека овој проблем треба да се реши за да не ни мрзнат дечињата и во ова време со нестабилни температури за да не дојде до настинка и прехлада.
Греењето на струја не е доволно и замислете ни рекоа да си донесеме греење САМИ!
Па така во едната група ние родителите САМИ однесовме грејни тела само за да не трпат дечињата.
Кога и да ги прашаш се нервозни и одговараат дрско, велат мајсторите се тука, а тие две недели се вртат ама немаат ништо направено!
Па зграда да беше досега ќе ја направеа, а не неколку занимални!
Додека беше потопло времето и климите постигнуваа не беше проблем, ама неколку дена по ред веќе е поладно, а сега со снегот нема услови дечињата да се носат таму.
Ве молиме објавете, нека си ја фатат работата, ќе ни испонастинат децата, а во оваа пандемија уште тоа ни фали!
Статусот на Фејсбук може да го погледнете ТУКА.
