Poт очекува Софија по изборите да даде зелено светло за Скопје и Тирана

- Advertisement -

Утре во Брисел ќе се одржи состанок на Советот за општи работи на ЕУ, на кој меѓу другото, тема ќе биде и проширувањето.

Во пресрет на состанокот, државниот министер во германското МНР Михаел Рот и порача на Софија дека е време за исполнување на обврските.

„Кај темата проширувањето на ЕУ се работи за ништо помалку од веродостојноста на ЕУ на западниот Балкан. Во светло на одржаните избори во Бугарија, сега е многу важно бугарското раководство да си ја исполни европската обврска и да го отвори патот за првата меѓувладина конференција со Македонија и Албанија“, порача Рот.