January 21, 2022, 11:30 am

ВФП: Ha 14 милиoни Aвгaниcтaнци им ce зakaнyвa глaд

Поврзано

- Advertisement -
- Advertisement -

На милиони Авганистанци им се заканува глад поради комбинацијата од конфликтот, сушата и пандемијата на коронавирусот, изјави вчера шефот на Светската програма за храна (ВФП), повикувајќи ги политичките лидери на итно дејствување.

-Пристигнува бурата на сите бури поради неколкугодишната суша, конфликти, економски колапс, дополнително влошени од ковидот, рече Дејвид Бисли во Доха, пренесен од британските медиуми.

„Бројката на луѓе изложени на ризик од глад сега се зголеми на 14 милиони“, додаде тој.

ВФП предупреди дека Авганистан е во опасност од хуманитарна катастрофа доколку оваа агенција на Обединетите нации до септември не успее да собере 200 милиони долари.

Авганистан се соочува со економски колапс откако странските земји и институции објавија дека ќе ја прекинат помошта и ги блокираа паричните резерви откако талибанците на 15 август го зазедоа главниот град Кабул.

Бисли кажа дека меѓународната заедница се соочува со многу тешки одлуки и предупреди дека на Авганистанците ќе им следи „пекол на земјата“ доколку и натаму се влоши економската ситуација.

-На народот во Авганистан итно му е потребна помош, рече Бисли.

Бројката на лица на кои им е потребна помош од ВФП може двојно да се зголеми доколку меѓународната заедница „им го сврти грбот“ на Авганистанците.

Latest News

Десетте најзначајни настани во светот во 2021 година

10. Договорот за AUKUS На 15 септември, претседателот Џо Бајден, австралискиот премиер Скот Морисон и британскиот премиер Борис Џонсон заеднички...

More Articles Like This