Пратеникот на Беса, Скендер Реџепи тврди дека го контактирале високи дипломатски претставници деа го уверат дека Македонија е поблиску до Европската Унија денес од кога и да е претходно.
Тој ги спомена францускиот претседател Макрон и холандскиот премиер Руте, но не сакаше да каже точни имиња на тие што го контактирале за да не гласа за недоверба на Владата на Зоран Заев.
-Никој не може да гарантира сто посто дека ќе добиеме, никој не може да гарантира дека нема да добиеме. Така? Што се однесува до тоа кој ми ги комуницираше јаките сигнали што ги кажав и денеска. Високи претставници на дипломатки претставништа бидејќи јас сум во постојана комуникација и бев директор за меѓународна соработка во БЕСА, а поради мојот бекграунд, 20 години работам во меѓународни организации и дипломатски претставништва во земјата сум бил контакт поинт на Беса со сите амбасади. Кажувањата на претседателот Макрон, посетата и изјавата на господинот Руте. Изјавите кои доаѓаат од Вашингтон за да се добие датумот, најавената посета на Ескобар. Дали треба да се нацрта. За мене ова е доволно дека е најизвесно дека во декември ќе добиеме датум, вели Реџепи
