Движењето Беса на Билал Касами започна со подготовка на предлог-измени во Законот за лични документи, со кој ќе се овозможи вметнувањето на етничка припадност во личните карти. Иако засега тоа го прват само партиски експерти оттаму велат дека за нивниот предлог ќе биде потребно усогласувањето на ставовите со Владата, објави „Алсат М“.
Ние во рамки на Движењето Беса ги правиме сите потребни подготовки, вклучувајќи го и нормативниот контекст на законот, но и за постапката за тоа како ние како субјект ќе ja доставиме. Во вистинско време кога ќе се создадат услови и соодветна клима, овој договор, кој е постигнат меѓу Беса и Владата, ќе треба да добива форма на предлог- закон и да биде усвоен во Собрание во согласност со договорот што го постигнавме со Владата, рече Фадил Зендели, пратеник на Движењето Беса.
Владата вели дека сè уште не почнала со подготвување на промените. Според нив, во моментов важност му се посветува на Преспанскиот договор.
