- Advertisement -
- Advertisement -
САД можат да спроведат антитерористички операции во Авганистан без присуство во таа земја, рече американскиот претседател Џозеф Бајден во обраќањето до нацијата во врска со ситуацијата во оваа централноазиска земја.
Откажувањето од повлекувањето на силите од Авганистан ќе доведе до ескалација на конфликтот и ќе бара испраќање илјадници дополнителни војници, смета американскиот лидер.
Тој потсети дека лидерите на Авганистан се предале и избегале, и дека армијата се распаднала.
„Американските војници не треба да загинат во војна во која не сакаат да ги води авганистанската армија“, рече тој, додавајќи дека Вашингтон им даде на Авганистанците се што им треба, но тие не можат да им дадат волја да одат за победа.
