Британската влада денес објави дека со постигнатиот трговски договор со ЕУ, Велика Британија презеде контрола над своите пари, граници, закони, трговија и риболов.
Од Даунинг стрит им беше кажано на граѓаните дека имаат договор.
“Договорот е фантастична вест за семејствата и деловните луѓе во сите делови на Велика Британија. Го потпишавме првиот трговски договор заснован на нула тарифи и нула квоти некогаш постигнати со ЕУ. Постигнавме голема работа за цела Велика Британија за рекордно време и во многу предизвикувачки услови”. изјави извор од британската влада.
Во соопштението понатаму се наведува дека договорот исполнува сè што и беше ветено на јавноста на референдумот во 2016 година и дека договорот гарантира дека Велика Британија повеќе не е обврзана со правилата на ЕУ и дека се постигнати сите црвени линии околу враќањето на суверенитетот.
„Ова значи дека ќе имаме целосна политичка и економска независност на 1 јануари 2021 година. Имиграцискиот систем ќе ни даде целосна контрола врз тоа кој ќе влезе во Велика Британија и ќе заврши слободното движење“, се вели во соопштението.