Видно револтиран, професорот по Кривично право, кој меѓу другото беше и потенцијален кандидат за местото на Катица Јанева во Специјалното Јавно обвинителство денес на прес-конференцијата обелодени дека СЈО најверојатно ќе престане со работа, а предметите и пресудите кои се донесени како резултат на обвинителството се ставаат на „тенок лед“ и можно е да бидат анулирани
„Донесена е одлука да згасне СЈО без да видиме која е вистинската причина за тоа. Тука ниту меѓународната заедница се изјаснува..“ – рече Калајџиев, објаснувајќи дека на состанокот во Министерството за правда на состанокот присуствувале и претставници на Американската амбасада.
„Имаше на состанокот претставници на Американската амбасада, имаше и претставници на Специјалното обвинителство. Сите излегоа на задниот влез. Треба и нив да ги прашате бидејќи очигледно се фактори. Не беше моја идеја да се формира СЈО, беше идеја на Американската амбасада“ – обелодени професорот Калајџиев.
Тој повика и да се избере обвинител кој би ги продолжил предметите, бидејќи со згаснувањето и трансформацијата на СЈО ќе доведе до ситуација да не се завршат започнатите предмети, но и веќе донесените пресуди врз основа на предметите.
