Новиот претседател на Државната изборна комисија, професорот Александар Даштевски во своето гостување во емисијата „Прашањето ми е следно“ на Инфомакс истакна дека во минатото Комисијата направила грешка со печатењето на гласачките ливчиња надвор од државата.
Тој потенцираше дека грешката нема да се повтори, имајќи во предвид дека на претходните локални избори ливчињата биле печатени во Бугарија, а имало случај на ливчиња од Охрид пронајдени на гласачко место во Куманово.
-За локалните избори имаше некои компании од Бугарија кои печатеа ливчиња, и тоа е многу лошо бидејќи не можеш да се контролира процесот на печатење. Кога се печатат во Македонија ние правиме увид на лице место, ако се печатат надвор од државата ви ги даваат и мора да ги поделитете. Имаше случаи ливчиња од Охрид да се најдат во Карпош. Така што сметам дека сега нема да се направи истата грешка од тогаш и ќе се избере печатница која ќе ја заврши таа работа добро.
