На 09.02.2015 започна распадот на државата, процес кој почна со бомбите продолжи со пржино, кулминација доживеа со промената на името и двојазичноста, а се чини ќе заврши со поделба на Македонија. На денешен ден пред 5 години Зоран Заев ја објави првата т.н бомба во рамки на „Вистината за Македонија“.
-Од денеска СДСМ и опозицијата го започнуваат проектот “ВИСТИНАТА ЗА МАКЕДОНИЈА”. Целта е единствена – ДА ЈА ВРАТИМЕ СЛОБОДАТА И ДЕМОКРАТИЈАТА ВО МАКЕДОНИЈА, ДА ГИ ВРАТИМЕ ЕВРОПСКИТЕ ВРЕДНОСТИ.” – изјави претседателот на СДСМ Зоран Заев на првата прес конференција од проектот “ВИСТИНАТА ЗА МАКЕДОНИЈА” на 09.02.2015г. Граѓански збор потсетува на почетокот од објавувањето на “бомбите”.
Oваа папка ќе стане симбол на процесот што денеска го отпочнуваме за враќање на слободата и демократијата.
Oва што во интерес на граѓаните и државата сум должен да го споделам со јавноста, е најнепријатното нешто што треба сум повикан да го направам, како одговорен граѓанин на оваа земја. Иако, како и секој човек кој си ја сака државата, искрено жалам што Македонија, токму поради неодговорни луѓе, е доведена во ваква срамна ситуација за каква што ќе слушате од денеска.
Погледнете ја во целост пресконференцијата на Заев:
