Дел од неговата публика го исвирка Доналд Трамп, кога тој призна дека зел дополнителна доза од вакцината против ковид-19.
Трамп беше исвиркан на неговата сопствена турнеја, на панел чиј домаќин беше поранешниот водител на Fox News, Бил О’Рајли. Видеото кружи на социјалните мрежи, а О’Рајли вели:
„Претседателот и јас сме вакцинирани“, а потоа го прашува поранешниот претседател на САД: „Дали прими бустер?
По кратка пауза, Трамп одговара со „да“, а потоа дел од публиката го исвирка, како што се гледа во видеото објавено на Твитер од No Spin News на О’Рајли.
„Немојте, немојте, немојте“, вели поранешниот американски претседател, со намера да ги замолчи.
„Во ред е. Тоа е мал дел од луѓето“, вели тој, покажувајќи кон публиката.
NEW: During their show in Dallas, President Trump reveals to @BillOReilly he got the vaccine booster shot. pic.twitter.com/fhkOQEeeEQ
— No Spin News (@NoSpinNews) December 20, 2021